प्रधानमन्त्री पुष्पकमल दाहाल ‘प्रचण्ड’ले प्रमुख राजनीतिक दलहरू एक ठाउँमा उभिए


काठमाडौं । प्रधानमन्त्री पुष्पकमल दाहाल ‘प्रचण्ड’ले प्रमुख राजनीतिक दलहरू एक ठाउँमा उभिएर परिवर्तनविरोधी प्रवृत्तिलाई निस्तेज पारिने बताएका छन् ।

गणतन्त्र, संघीयता धर्मनिरपेक्षतालगायत परिवर्तनविरुद्ध प्रश्न उठाउने चेष्टा गरिएको उनले उल्लेख गरे । उनले भने, “योबीचमा मेरो दौडधुप पनि परिवर्तनका लागि विगतमा संघर्ष गरेका सबै राजनीतिक दलहरूलाई एकताबद्ध गर्नमा केन्द्रित छ ।”

शनिबार नेपाली कांग्रेसद्वारा पार्टी केन्द्रीय कार्यालय सानेपामा आयोजित चियापान कार्यक्रममा उनले यस्तो बताएका हुन् । “यो चियापान संस्कृति बीपी कोइराला जीवितै हुँदा सुरु गरिएको संस्कृति हो । यसले आपसी एकता र सद्भाव वृद्धि गरेको छ,” उनले भने ।

चाडपर्वको अवसरमा आयोजित यस्ता कार्यक्रमले आपसी एकता अभिवृद्धि, राष्ट्रिय राजनीतिलाई स्थिरता, सहमति र सहकार्यको दिशातिर लैजाने र आउने दिनमा जनताको विकास र समृद्धिको अपेक्षा पूरा गर्ने विश्वास पनि उनले व्यक्त गरे ।

काठमाडौं । प्रधानमन्त्री पुष्पकमल दाहाल ‘प्रचण्ड’ले प्रमुख राजनीतिक दलहरू एक ठाउँमा उभिएर परिवर्तनविरोधी प्रवृत्तिलाई निस्तेज पारिने बताएका छन् ।

गणतन्त्र, संघीयता धर्मनिरपेक्षतालगायत परिवर्तनविरुद्ध प्रश्न उठाउने चेष्टा गरिएको उनले उल्लेख गरे । उनले भने, “योबीचमा मेरो दौडधुप पनि परिवर्तनका लागि विगतमा संघर्ष गरेका सबै राजनीतिक दलहरूलाई एकताबद्ध गर्नमा केन्द्रित छ ।”

शनिबार नेपाली कांग्रेसद्वारा पार्टी केन्द्रीय कार्यालय सानेपामा आयोजित चियापान कार्यक्रममा उनले यस्तो बताएका हुन् । “यो चियापान संस्कृति बीपी कोइराला जीवितै हुँदा सुरु गरिएको संस्कृति हो । यसले आपसी एकता र सद्भाव वृद्धि गरेको छ,” उनले भने ।

चाडपर्वको अवसरमा आयोजित यस्ता कार्यक्रमले आपसी एकता अभिवृद्धि, राष्ट्रिय राजनीतिलाई स्थिरता, सहमति र सहकार्यको दिशातिर लैजाने र आउने दिनमा जनताको विकास र समृद्धिको अपेक्षा पूरा गर्ने विश्वास पनि उनले व्यक्त गरे ।

प्रधानमन्त्री प्रचण्डले आफ्नो नेतृत्वमा सरकार बनेदेखि नै सबै राजनीतिक दलहरूका बीचमा सहमति बनाउने प्रयत्न भएको बताए । सरकारबाट लिइएका कूटनीतिक पहलका कारण संयुक्त राष्ट्रसंघका महासचिव र कतारका राजा नेपाल भ्रमणमा आउन लागेको उनले जानकारी गराए । यी भ्रमणहरू सरकारले लिएको कूटनीतिक सफलताको परिणाम भएको उनको भनाइ छ ।


Leave a Reply

Your email address will not be published. Required fields are marked *