कलंकीको होटेलमा तास खेलिरहेका आठजना पक्राउ


काठमाडौं । काठमाडौं महानगरपालिका–१४, कलंकीस्थित एक होटेलमा जुवातास खेलिरहेको अवस्थामा आठजना पक्राउ परेका छन् । पक्राउ पर्नेमा चितवनको भरतपुर महानगरपालिका–१० घर भई काठमाडौंको बल्खुमा डेरा गरी बस्दै आएका ४४ वर्षीय झविन्द्र सापकोटा छन् ।

सापकोटाको दृश्या होटेलमा जुवातास खेलिरहेको अवस्थामा उनीसहित आठजनालाई शुक्रबार राति पक्राउ गरिएको प्रहरीले जनाएको छ ।

नगद चार लाख १२ हजार रुपैयाँ र ६ बुक ताससहित उनीहरूलाई पक्राउ गरिएको प्रहरी प्रधान कार्यालयले जानकारी गराएको छ ।

उता, कैलालीको धनगढी उपमहानगरपालिका–१३, राजपुरस्थित खाली टहरामा जुवातास खेलिरहेको अवस्थामा सोही ठाउँका ३१ वर्षीय कमल बडायकसहित १२ जनालाई शुक्रबार राति प्रहरीले पक्राउ गरेको छ ।

नगद एक लाख एक हजार ३६५ रुपैयाँ र तीन बुक ताससहित उनीहरूलाई पक्राउ गरिएको प्रहरीले जनाएको छ ।

यस्तै, मोरङको सुन्दरहरैँचा नगरपालिका–१०, विराटचोकका ३७ वर्षीय सुशीलकुमार काफ्लेको घरमा जुवातास खेलिरहेको अवस्थामा उनीसहित ६ जनालाई शुक्रबार राति प्रहरीले पक्राउ गरेको छ ।

नगद एक लाख ५१ हजार २२५ रुपैयाँ र तीन बुक ताससहित उनीहरूलाई पक्राउ गरिएको प्रहरीले जनाएको छ ।


Leave a Reply

Your email address will not be published. Required fields are marked *