कांग्रेसका सहमहामन्त्री यादवमाथि खुकुरी प्रहार गर्ने सापकोटा जेल चलान


काठमाडौं  । नेपाली कांग्रेसका सहमहामन्त्री महेन्द्र यादवमाथि खुकुरी प्रहार गर्ने नुवाकोटका श्यामबहादुर सापकोटा जेल चलान भएका छन् ।

जिल्ला अदालत काठमाडौंका न्यायाधीश माधवप्रसाद अधिकारीको सोमबारको इजलासले उनलाई पुर्पक्षका लागि जेल चलान गर्ने आदेश गरेको हो । सापकोटाविरुद्ध प्रहरीले ज्यान मार्ने उद्योगमा मुद्दा चलाएको थियो ।

उनले भदौ २० मा रिपोर्टस् क्लबको एक कार्यक्रममा सहभागी भएर फर्किदै गर्दा यादवमाथि खुकुरी प्रहार गरेका थिए । खुकुरी प्रहार गरे लगत्तै उनले देश बचाउन यादवमाथि खुकुरी प्रहार गरेको प्रतिक्रिया दिएका थिए ।

जिल्ला अदालतको आदेशले उनी सुन्धारा कारागार चलान भएका छन् ।


Leave a Reply

Your email address will not be published. Required fields are marked *