कांग्रेसभित्र हिलो छ्यापाछ्याप हुँदा युवाहरू अरू पार्टीमा गए : उदयशमशेर राणा


काठमाडौं । नेपाली कांग्रेसको जारी केन्द्रीय समिति बैठकमा युवाहरूलाई पार्टीमा आकर्षण गर्ने कार्ययोजना नभएकाले युवा पलायन भएको कुरा उठेको छ ।

बिहीबारको केन्द्रीय समिति बैठकमा केन्द्रीय सदस्य उदयशमशेर राणाले देशभर कांग्रेस पहिलो दल भए पनि युवाहरूको आकर्षण नभएको बताए ।

“ठुलो पार्टी भए पनि एकप्रकारको निराशा छ । १८ देखि ३५ वर्षका साथीहरू हाम्रो पार्टीभन्दा पनि अरू पार्टीमा जान खोजेका छन्,” उनले भने, “हाम्रो केन्द्रमा आफूले अरूलाई हिलो छ्याप्ने काममा निराशा बढाएको छ । हाम्रो पार्टीभित्र र बाहिर प्रतिस्पर्धा हुन्छ, तर यसलाई फ्रेन्डली लिनुपर्छ । तर, कतिपय ठाउँमा आन्तरिक विवादमा केन्द्रित छ । घरभित्र केही समस्या देखा परेको छ ।”

उनले पार्टी रूपान्तरणको नाममा देशभर घुमेका नेताहरूले आन्तरिक गालिगलोजमा उत्रिएको बताए ।


Leave a Reply

Your email address will not be published. Required fields are marked *