बैदेशिक रोजगारीबाट फर्किएकाहरुलाई उद्यमशील बन्न उत्प्रेरित गर्दे बिदुर नगरपालिका


बिदुर । बिगतमा बैदेशिक रोजगारीमा रहेर स्वदेश फर्किएका र स्थानीयस्तरमै आयमुलक ब्यवसायमा संलग्न भई स्वरोजगार उन्मुख हुन चाहने नागरिकहरुलाई बिदुर नगरपालिकाले अनुदान उपलब्ध गराउन थालेको छ । यसरी बैदेशिक रोजगारीबाट फर्किएका बिदुर नगरपालिका भित्रका नागरिकहरुलाई सहयोग उपलब्ध गराउने कार्य बिहिबारबाट सुरु भएको छ । बिहिबार नगरपालिकामा आयोजित एक कार्यक्रमका बिच नगरप्रमुख राजन श्रेष्ठले चालु आर्थिक बर्षमा छनोट भएका ३३ जनालाई अनुदान स्वरुप जनही ४१ हजार रुपैयाँको चेक उपलब्ध गराए ।
त्यसक्रममा नगर प्रमुख श्रेष्ठले नागरिकलाई स्वरोजगार उन्मुख बनाई रोजगारीकै लागि बिदेश जानु पर्ने अवस्थाको अन्त्यका लागि नगरपालिका आवश्यक रणनीति तयार गरेर अघि बढिरहेको स्पष्ट पारे । नागरिकहरुमा उद्यमशीलताको भावना बिकास गरी त्यस मार्फत समृद्ध नगरपालिकाको समेत परिकल्पना गरिएको र नागरिकका माग र आवश्यकताका आधारमा आवश्यक कार्यक्रमहरु संचालन गरिने समेत नगर प्रमुख श्रेष्ठको भनाई थियो ।
विदुर नगरपालिका, रोजगार सेवा केन्द्रको आयोजनामा संचालित यस प्रकारको कार्यक्रमले नागरिकलाई रोजगारीका लागि बिदेशिनुपर्ने बाध्यताको अन्त्यका साथसाथै स्थानीयस्तरमै रोजगारीको अभिबृद्धी तथा पारिवारिक र सामाजिक सद्भावको वातावरण समेत मजबुत बन्ने उपप्रमुख प्रभा बोगटीको बिश्वास छ ।

,

Leave a Reply

Your email address will not be published. Required fields are marked *